Alþjóðlegur dagur vatnsins var 22.mars.
Alþjóðlegur dagur vatnsins var haldinn þann 22. mars. Við í Furugrund buðum upp á vatnsverkefni í tilefni dagsins og lékum okkur með klaka í hinum ýmsu formum og litum og hvöttum alla til vatnsdrykkju ásamt fræðslu fyrir börnin um vatn og nauðsyn þess.
Við erum einnig í Erasmus verkefni með Póllandi, Spáni og Austurríki sem ber yfirskriftina Lífið í einum dropa af vatni og tengdum við alþjóðlega vatnsdaginn við verkefnið okkar.
Markmið verkefnisins er að hvetja börnin, foreldra og starfsfólk leikskólans til að fara vel með vatn og fara með það sem verðmæti. Fræða börnin um vatnið sem náttúrlega auðlind. Fræða börnin um hvaðan drykkjarvatnið okkar í Kópavogi kemur og hvernig getum við verndað það. Draga úr óþarfa vatnseyðslu og auka líkur þar með á sjálfbærni okkar hvað varðar aðgang að vatni.
Lukkudýr verkefnisins okkar er hann Dropi sem er vatnsdropabangsi. Hann fékk að vera með börnunum og fór víða um skólann til að hitta börnin.
.
Smellið á myndir til að sjá þær í stærri upplausn