Sími  441 6300 - 840 2678

Dropasteinn

Fyrirsagnalisti

Erasmus + - 10.10.2017

Glæsilegir fulltrúar okkar á myndbandsfundi þar sem börn frá öllum þátttökulöndunum sýndu þjóðdans frá sínu landi. Smellið á myndina.















Hluti af Evrópuverkefnunum sem við erum þátttakendur í er að kynnast annarri menningu og siðum og átta okkur á hvað við eigum sameiginlegt og hvað sker okkur úr. Æfingar gengu ljómandi vel og fannst börnunum þetta mjög skemmtilegt og krefjandi. 



September er tíminn til að... - 18.9.2014

....uppskera og skapa eitthvað fallegt úr því sem hægt er að finna í náttúrunni líkt og þessar fallegu hjartafestar sem nemendur í hópastarfi Dropasteins gerðu.

Skógarferð - 9.7.2014

Verðandi elstu börn deildarinnar fengu að fara með Lottu og Fjólu í skógarferð í dag. Í þessari fyrstu skógarferð voru þau að læra inn á stoppustöðvar og reglur sem gilda í skógarferðum. Í vetur koma til með að vera þrír skógarhópar sem fara með Lottu í ferðirnar. Eins og sjá má á myndunum skemmtu þau sér vel og fannst þeim áhugavert og mikil upphefð í því að vera byrjuð í skógarferðum.

Sumar - 4.7.2014

Við vorum að setja inn nokkar myndir sem við höfum tekið undanfarið m.a. frá viðburðum, afmælum og heimsóknum.

Skólagarðar - 2.7.2014

Í sumar sjáum við um smá skika í skólagörðunum. Þar hafa börnin sett niður kartöflur og ýmiss konar grænmeti. Hægt er að sjá nánari upplýsingar um það inni á deild hjá okkur. Hér má sjá myndir úr ferðunum.

Daglegt líf á Dropasteini - 4.3.2014

Við vorum að setja inn nokkar skemmtilegar myndir frá daglegu lífi hér á Dropasteini.

Kynning Lovísu Rutar - 5.12.2013

Gulla og Fjóla fóru í HÍ, Menntavísindasvið í dag og fylgdust með Lovísu Rut nema kynna verkefnið sem hún vann að á Dropasteini. Hér má lesa kynningu hennar, en áður vorum við búin að setja inn frétt um verkefnið sem hægt er að lesa um hér.
Þetta var síðasta vettvangsnám Lovísu Rutar, nú á hún einungis eftir að skrifa mastersritgerðina sína og útskrifast svo sem leikskólakennari í júní 2014. Við erum afar stolt af henni og hlökkum til að fá að njóta hæfileika hennar og fagmennsku í framtíðinni.
041220136085

Afmælismyndir og fl. - 12.11.2013

Við tökum alltaf myndir af afmælisbörnunum okkar og setjum inn á albúm deildarinnar.

Daglegt líf - 18.9.2013

Nýjar myndir eru komnar í myndaalbúmið okkar.

Vetrarstarfið er hafið - 16.9.2013

Í dag hófum við allt skipulagt starf vetrarins. Öll börn eru í hópastarfi, þar sem þau vinna að margvíslegum verkefnum, í samvinnu við jafnaldra sína. Tónlistarstundir eru einnig fyrir öll börnin, sem og leikfimi. Elstu börnin hafa í meiru að snúast en hin börnin, en þau fara í skógarferðir með Fjólu og EBV (elstu barna verkefni) með Ástu og Gullu. Skógarferðir og EBV er sameiginlegt með Mánasteini.

Hópastarfið hjá öllum hópum hefst á gönguferð. Enn eigum við eftir að ákveða nöfn á hópana, þau verða vonandi komin í næstu viku og mun þá verða hægt að finna hópana hér undir "hópastarf". Hægt er að sjá hvenær börnin eru í skipulögðu starfi á veggnum hjá okkur.

Afmæli og fleiri myndir - 10.9.2013

Við erum búin að halda nokkur afmæli undanfarið og smelltum myndum af afmælisbörnunum. Svo höfum við tekið nokkrar myndir í daglegu starfi.

Nýjar sumarmyndir - 3.7.2013

Við vorum að setja inn fullt af nýjum myndum frá gönguferðum, hættuveislum, afmælum, heimsóknum og fl. Sjón er sögu ríkari.

Vettvangsferðir - 21.6.2013

Við höldum áfram að flakka um. Njótum þess að vera úti í sumar og sól, ja reyndar er stundum rigning líka.

Ferð í miðborg Reykjavíkur - 14.6.2013

Miðhóparnir fóru í gær í ferð til borgarinnar. Þar skoðuðu þau mannlífið á Austurvelli, við Reykjavíkurtjörn og Ráðhúsið. Börnunum þótti landakortið í Ráðhúsinu athyglisvert og reyndu mikið að staðsetja sig á því.


Sumar í bæ og borg - 14.6.2013

Nú er komið sumar og við farin að skoða svolítið í kringum okkur. Börnin í miðhópunum fóru í síðustu viku í heimsókn í garðinn við listasafn Ásmundar Sveinssonar, Ásmundarsafn í Laugardal. Þar skoðuðu þau listaverkin og veltu vöngum yfir tilurð þeirra og listamanninum sem skapaði þau.


Afmæli og fleira - 8.5.2013

Við vorum að skella inn nokkrum myndum frá afmæli og fl.

Daglegt líf - 30.4.2013

Við erum alltaf annað slagið að setja inn myndir í myndaalbúm deildarinnar við bara gleymum alltaf að minna á það. Hér má sjá yndir sem við höfum sett inn alveg frá því í janúar.

 

Útskrift - 30.1.2013

Alla jafna þá útskrifum við börnin úr leikskólanum á vorin, en ein stúlkan okkar er að flytja til Svíþjóðar og kvaddi okkur í dag. Við gáfum henni að skilnaði bók til minningar um dvölina hjá okkur og fína skotthúfu sem Gulla prjónaði. Hér má sjá fleiri myndir.


Þorrablót - 25.1.2013

Það var mikið um dýrðir á Þorrblóti Furugrundar.  Allir bjuggu til kórónu og voru duglegir að smakka.  Hér má myndir frá Þorrablótinu:

 

 Afmæli í Janúar - 25.1.2013

 Það er mikið um afmæli á Dropasteini í Janúar.  Þessir krakkar eru öll búin að halda uppá afmælið sitt, einn ungur maður varð 6 ára, ein dama varð líka 6 ára og svo varð önnur dama 4ra ára.  Við óskum þeim öllum til hamingju!  Hér koma svo fleiri afmælismyndir:

 

Kubbaleikur - 15.1.2013

Þessi ungi maður var svo ánægður með bygginguna sína að hann kallaði í kennara til þess að taka af henni mynd. Auðvitað var orðið við því. Hér má sjá fleiri myndir.

       
       
       
       


Myndir frá daglegu starfi - 8.1.2013

Við vorum að setja inn nýjar myndir, m.a. frá afmælum.

 

Breytingar í starfsmannahaldi - 2.1.2013

Nú um áramótin urðu breytingar á starfsmannahaldi Dropasteins. Helgi fór til Portúgals í Doktorsnám og Karen eignaðist lítinn dreng á Þorláksmessu 23. desember sl.. Við eigum svo von á nýjum starfsmanni eftir helgi.
Karenarstrakur

Heimsókn í Sívertsenhús - 21.12.2012

Elstu börnin fóru í heimsókn í Sívertssenhúsið í Hafnarfirði í dag. Þar fengu þau að kynnast því hvernig jólin voru í gamla daga. Ung stúlka tók á móti okkur og fylgdi okkur um húsið. Þegar við vorum komin í eldhúsið spratt allt í einu fram jólasveinn svo okkur dauðbrá. Þessi jólasveinn var sko gamli bjúgnakrækir og lét hann heldur ófriðlega. Ekki laust við að við urðum smá hrædd við hann. Bjúgnakrækir teymdi okkur til stofu og þar sagði hann okkur sögur af því þegar hann og bræður hans voru upp á sitt besta. Á heimleiðinni hittum við svo rauðan jólasvein í strætó og var hann hinn ljúfasti.


Skyrgámur í heimsókn - 19.12.2012

Í  morgun kom til okkar jólasveinn sem sagðist heita Skyrgámur. Skyrgámur gaf börnunum pakka sem þau taka heim með sér í dag. Skyrgámur var skemmtilegur jólasveinn sem söng og reitti af sér brandara við mikla kátínu barnanna.

Desember á Dropasteini - 18.12.2012

Við vorum að setja inn myndir frá daglegu lífi í desember.

Þegar piparkökur bakast kökur.... - 5.12.2012

Við vorum að baka piparkökur í dag. Mikið gaman og mikið fjör. Við ætlum svo að gefa pabba og mömmu að smakka þær á föstudaginn.

Myndir frá daglegu starfi - 23.10.2012

Það er alltaf eitthvað merkilegt að gerast hjá okkur á Dropasteini. Afmæli, dansleikur, brunavarnir, gönguferð og fleira eru á myndunum hér fyrir neðan.

Afmæli og fleira - 5.10.2012

Við vorum að setja inn myndir frá afmæli og fleiru

Afmæli og fleira - 19.9.2012

Við vorum að setja inn nýjar myndir í albúmið okkar m.a. myndir frá tveimur afmælum.

Heimboð - 27.6.2012

Börnin í miðhópunum (fædd 2007) og kennarar þeirra voru svo lánsöm í dag að vera boðin í heimsókn til eins barnsins. Þar fengu þau að leika sér í garðinum og var trambólínið svakalega vinsælt leiktæki. Í hádeginu voru bornir fram girnilegir hamborgarar og pylsur sem börnin gerðu góð skil. Kennararnir fengu svo kjúklingasalt og ljúffenga tertu í eftirrétt. Dásamlegt að vera boðið svona í heimahús og njóta þess að vera til í kærleiksríku umhverfi. Takk kærlega fyrir okkur kæru hjón.

Elstu börnin fara að kveðja - 26.6.2012

Nú fara elstu börnin að kveðja okkur eitt af öðru. Flest þeirra verða hætt um sumarfrí. Gulla tók sig til og prjónaði á þau fallega þjóðleg húfu eins og sjá má á myndinni. Við þökkum ykkur börnum og foreldrum kærlega fyrir ótal margar ánægjulegar samverustundir hér í Furugrund. Gangi ykkur allt í haginn á næsta skólastigi. Hér má sjá fleiri myndir.

Myndir frá daglegu lífi á Dropasteini - 8.6.2012

Við vorum að setja inn nýjar myndir frá daglegu lífi m.a. myndir frá því þegar Gulla kom með leggi sem hún lék sér með þegar hún var lítil stúlka austur í Tungu. Já hún er ein úr Tungunum. Börnunum fannst áhugavert að leika með leggina, en vildu líka fá plastdýrin með og úr varð skemmtilegur leikur.  Sjá fleiri myndir hér.

Afmæli og fleira - 22.5.2012

Við vorum að setja inn nýjar myndir

 

Afmælismyndir og fleiri myndir - 10.5.2012

Við vorum að setja inn nýjar myndir í albúmið okkar.

Nýjar myndir - 25.4.2012

Við vorum að setja í albúmið okkar nýjar myndir frá daglegu starfi. Nokkrar myndanna eru frá því að þrjú börn tóku sig til og gerðu einstaklega fallegt á hlutverkasvæðinu. Það þarf ekki að kvíða framtíðinni þegar svona framtakssöm börn erfa landið.

Daglegt líf á Dropasteini - 10.4.2012

Í byrjun apríl vorum við með Dans, dans, dans á Dropasteini. Þá er tónlistin hækkuð í botn og svo er dansað af lífs og sálarkröftum. Við tókum nokkrar myndir að sjálfsögðu. Svo eru hér líka myndir úr daglegu starfi okkar.

Myndir úr daglegu starfi - 9.3.2012

Myndir sem segja meira en mörg orð

.

Frétt - 2.3.2012

Undanfarnar vikur hafa krakkar úr 7. bekk Snælandsskóla komið lesið fyrir okkur í hádeginu og er þetta liður í ægingu fyrir Stóru upplestrarkeppnina. Hér koma nokkrar myndir  úr okkar daglega starfi.

Stúlkur í skógarferð - 25.2.2012

Rétt eins og strákarnir í miðhóp fengu að fara í skógarferð þá fengu stúlkurnar það líka. Það voru Fjóla og Soffía sem fylgdu þeim í ferðinni og var farið í skóg sem krakkarnir kalla oftast "Mikkaskóg". Um er að ræða skóglendi sem er beint fyrir neðan gamla Borgarspítalann (Landsspítalann núna). Stúlkurnar voru alveg frábærar og víluðu sko ekki fyrir sér að klifra hátt upp í tré svona í fyrstu skógarferð. Það kom svartur köttur að heimsækja okkur í skóginum og hafði ein stúlkan sérlega gaman að honum. Á milli þeirra varð skemmtilegt samband, þar sem þau eltu hvort annað til skiptis. Ef stúlkan hunsaði köttinn kom hann til hennar og nuddaði sér upp við hana til þess að fá athygli. Það var mjög áhugavert að fylgjast með þessu.
Þegar tími var til þess kominn voru það glaðar og frískar stúlkur sem héldu heim á leið í leikskólann. Þær eru strax farnar að áforma aðra skógarferð.

Strákar í skógarferð - 20.2.2012

Strákarnir í miðhópunum fengu að fara í skógarferð í morgun. Þeir voru að læra reglurnar og á stoppistöðvarnar. Þegar í skóginn var komið léku þeir sér við að klifra í trjánum og byggja sér hús. Þeir hlóðu líka varðeld og voru alveg hissa að Fjóla væri ekki með eldspítur á sér svo hægt væri að kveikja eld. Við áttum góða stund saman í skóginum og strákarnir skemmtu sér vel, en voru orðnir nokkuð lúnir þegar í leikskólann var komið aftur.

 

Myndir frá daglegu lífi - 7.2.2012

Við erum alltaf að smella af skemmtilegum myndum í daglegu lífi í leikskólanum. Hér má sjá nokkrar þeirra nýjustu.

 

Daglegt líf - 22.12.2011

Við vorum að setja inn nýjar myndir sem við tókum í daglegu lífi í desember. Við erum búin að vera upptekin við jólaundirbúning, en höfum líka munað eftir því að njóta samverunnar við kósýheit og leik. Hér eru myndirnar.

Kubbaleikur - 17.11.2011

Elstu strákarnir okkar voru í skemmtilegum kubbaleik um daginn og við tókum myndir af þeim við þá iðju.
Sjá myndir hér.

Fjör í leikfimi - 17.11.2011

Elstu börnin voru í leikfimi í morgun og við tókum nokkrar myndir.
Sjá myndirnar hér.

Nýjar myndir - 17.11.2011

Við vorum að setja inn myndir frá daglegu lífi í leikskólanum.
Sjá myndirnar hér.

Bangsadagur og fleira - 17.11.2011

Við héldum upp á alþjóðlega bangsadaginn 28. október s.l.
Að vanda tókum við fullt af ljósmyndum sem má sjá hér.

Daglegt líf - 20.10.2011

Mikið og margt að gerast.